Истрагата за „Рекет“ се проширува: ЈО бара притвор за Катица Јанева
Објавено во: Македонија 21 Август, 2019
Обвинителството бара притвор за специјалната јавна обвинителка. Ова го кажа на прес конференцијата државниот јавен обвинител Љубомир Јовески по приведувањето на специјалната јавна обвинителка Катица Јанева.
Јовески истакна дека јавниот истрагата за „Рекет“ се проширува на трето лице, јавен обвинител кој сторил кривчно дело злоупотреба на службената положба, при што денеска е приведен и од обвинителството е побарана да му се изрече мерка притвор.
Јовески соопшти дека од досега обезбедените докази, има основи за проширување на истрагата за „Рекет“ и врз Катица Јанева, која е осомничена за злоупотреба на службената положба и овластувања заради стекнување имотна корист.
ЈО, како што кажаа работи интензивно на случајот Рекет, а јавноста може да биде убедена дека обвинителството ќе ја прошири истрагата ако за некој се појават дополнителни докази и сомнежи.
Исто така нема индиции дека снимките од „Рекет“ завршиле кај домашни или странски политичари кажа Јовески.