ИСТРАЖУВАЊЕ: Познато кои балкански метрополи се поскапи за живот од Скопје
Објавено во: Економија 17 Октомври, 2019
Скопје e меѓу најевтините градови во светот, a најскап град и годинава е Хонг Конг.
Македонскиот главен град се најде на 201 место во светот на листата на „Мерсер“ за 2019 година направаена според трошоците на живот. Главниот град на земјава падна од 197 позиција на која беше лани и е во десетте најевтини градови во светот.
Скопје има најниски трошоци на живот и во регионот. Поскапи градови за живеење од него се: Сараево (194), Белград (181), Софија (177),Тирана (166),Загреб (143), Љубљана (142), Атина (128),
Прв на листата втора година по ред е Хонг Конг, зад кој се најдоа и Токио (2), Сингапур (3) и Сеул (4).
Во првите десет се најде и најскапиот град во Европа, Цирих (5), како и Шангај (6), Ашгабат (7), Пекинг (8), Њујорк (9) и Шенџен (10).
Најевтини градови во светот се: Тунис (209), Ташкент (208) и Карачи (207).Со истражувањето беа опфатени повеќе од 500 градови низ целиот свет.