Италијанската амбасада во Скопје: Продолжена забраната за патување на граѓаните на Северна Македонија
Објавено во: Македонија 10 Август, 2020
Со Декретот на италијанскиот премиер Џузепе Конте, забраната за влез во Италија за лица кои доаѓаат од Северна Македонија, или лица кои во транзит поминале низ Северна Македонија во претходните 14 дена, е продолжена до 7 септември 2020 година, објави Амбасадата на Италија во Скопје.
„Исклучок од забраната и со дозвола за влез во Италија се само оние лица кои имаат државјанство од една од земјите од ЕУ или од Шенген зоната и да имаат дозвола за престој во Италија издадена пред 9 јули 2020 година“, гласи соопштението на амбасадата.
Ваква одлука донела Владата на Италија на 7 август како дел од мерките за ограничување на движењето поради ширење на вирусот „Ковид-19“.