29 Март, 2020
0.0293

ИТНО НА СРЕДБА ВО ВЛАДАТА - Спасовски ги повикал кабелските оператори да бараат решение за проблемот

Објавено во: Македонија 26 Февруари, 2020

Техничкиот премиер Оливер Спасовски итно ги повикал на состанок сите кабелски  оператори за денеска во 15.30 часот, дознава Фактор.

Целта на средбата, според нашите сознанија, е да се изнајде решение за големиот проблем кој настана откако тие предупредија дека ќе престанат со емитување на сите домашни и странски ТВ канали, во знак на револт од измените на Законот за аудио и аудиовизуелни медиумски услуги, кои беа донесени непосредно пред распуштањето на Собранието, а кои според нив, ќе им го оневозможат нормалното работење. Тие поднеле и Иницијатива до Уставниот суд за да се донесе времена мерка за суспендирање на ова законско решение. 

Какви решенија ќе се изнајдат на средбата, останува да се види по состанокот.

А вчера, министерот за информатичко општество, Дамјан Манчевски, изјави дека забраната за емитување на странски програми без регулирани авторски права, е усвоена уште со законските измени од 2018.

„Кога Собранието во 2018 година ги усвои законските измени со кои се забранува емитување на странски програми без регулирани авторски права, имаше согласност и од кабелските оператори и од националните медиуми како засегнати страни. Дополнително, во врска со ова прашање постоеше и политички консензус, откако ескалираше спорот на релација национални медиуми - кабелски оператори поради авторските права. Тогаш беше утврдено дека законските измени ќе важат по изборот на нов состав на Агенцијата за аудио и аудиовизуелни медиумски услуги, која требаше да изготви подзаконски акти врз основа на законските измени, меѓутоа тоа одби да го стори. Поради политичката блокада на ВМРО-ДПМНЕ во матичното собраниско тело за избори и именувања, не беше возможно да се избере нов состав на ААВМУ, па Собранието пред распуштање едногласно изгласа законската измена од 2018 година да стапи во сила“, објаснува Манчевски.

Експресно му возвратија кабелските оператори. Тие нагласија дека не сакаат да ги исклучат ТВ каналите. Напротив, потенцираа, ги направиле сите потребни чекори да не дојдат во таква ситуација која им ја налага законската регулатива. 

„Но, измените на Законот за аудио и аудиовизуелни медиумски услуги за нас претставуваат акт на јавна власт кој има ефект на ситуација на Виша сила и го оневозможува нашето нормално работење. Ние, како и досега докажавме дека сме подготвени за дијалог со сите засегнати страни. Но, за жал нашите укажувања за неприменливоста на овие измени не завршија со конструктивно решение. Напротив, измените на законот беа донесени по брза и нетрансапретна постапка на последната седница на Собранието пред неговото распуштање. Не вродија со плод ниту укажувањата од Европската комисија дека ваквите измени се спротивни на ЕУ директивите и дека вакво законско решение не постои во ниту една земја членка на ЕУ“, изјавија од Здружението на Информатичко- комуникациските технологии.

За операторите, ваквата одговорност која им се наметнува е апсурдна. Тие сметаат и дека овие законски измени се спротивни на Уставот, поради што и поднеле Иницијатива до Уставниот суд за носење на времена мерка, со што очекуваат примената на овој закон да биде суспендирана, се додека Уставниот суд не донесе одлука за поништување на овие неуставни измени на Законот.

Оттаму нагласуваат и дека нема потреба од дополнително регулирање на авторските права, бидејќи тие се веќе регулирани со друг Закон. 

„Заштитата на авторските права се прави преку суд, при што оној чие право е повредено треба да го заштити своето право на суд, но против оној кој го прекршил тоа право, а не против тој што само технички ја реемитува програмата, со регулирани права за реемитување. Измените на ЗААВМУ што сега се на сила се целосно непримелниви,  бидејќи на операторите кои реемитуваат програмски содржини им наметнува да гарантираат за авторските права на програми што не ги произведуваат, а за тоа да имаат кривична одговорност. Ваквата ситуација создава дополнителна конфузија во целата област, бидејќи воведува одговорност на операторите за туѓи дејствија, што е правно целосно неиздржано“, велат од Здружението.

Операторите и вчера нагласија дека се подготвени за средба и за изнаоѓање на решение на оваа ситуација, која, како што велат, им нанесува штети на сите страни, а најмногу на корисниците.

Н.Н.Ф.

Можеби ќе ве интересира

Филипче најави разрешување на директорката на Охридската болница

Филипче најави разрешување на директорката на Охридската болница

Следете во живо, прес-конференција на министерот Венко Филипче

Следете во живо, прес-конференција на министерот Венко Филипче

Владата објави комуникација помеѓу Мицкоски и Рашковски и демант за наводни провизии од чартерите

Владата објави комуникација помеѓу Мицкоски и Рашковски и демант за наводни провизии од чартерите

Министерот за одбрана Ристовски: Приклучете се на шампионскиот тим, купувајте македонски производи

Министерот за одбрана Ристовски: Приклучете се на шампионскиот тим, купувајте македонски производи

Се зголеми забраната за движење, се зголемија и прекршоците

Се зголеми забраната за движење, се зголемија и прекршоците

Оштетувале табла со новото уставно име на граничниот премин Деве Баир

Оштетувале табла со новото уставно име на граничниот премин Деве Баир

Самир Љума, снимателот на „Медена земја“, во државен карантин

Самир Љума, снимателот на „Медена земја“, во државен карантин

Третиран првиот пациент во ГОБ „8 Септември“ од корона вирус

Третиран првиот пациент во ГОБ „8 Септември“ од корона вирус

Шилегов ги замени контејнерите што беа запалени за време на полициски час

Шилегов ги замени контејнерите што беа запалени за време на полициски час