Иванка Василевска: Со задоволство го прифаќам разрешувањето од Пендаровски, датум за милион години

Добивај вести на Viber

Иванка Василевска, член на ИК на ВМРО-ДПМНЕ, објави дека со задоволство го прифаќа барањето за нејзино разрешување како претставник на Националниот совет за евроинтеграции од страна на претседателот Стево Пендаровски, кој на ова место денеска го предложи доцентот Александар Спасов.

Кабинетот на Пендаровски веќе го извести претседателот на Комисијата за прашања на изборите и именувањата на Собранието на Република Северна Македонија, Илија Димовски, а Василевска вели дека „ионака Македонија ќе добие датум за преговори по милион години“.

„Секако дека бара и секако дека со задоволство му ја препуштам плодната работа во Националниот совет за ЕУ на Сашко. Со среќа нека е препораката за... па добро, препораката да има препорака дека за милион години ќе добиеме датум  За 27 Април, стојам зад секој збор и верувам дека конечно Рускоска ќе ги најде организаторите и дека ќе има правда, ако не сега, тогаш кога ќе ги вратиме институциите на системот во нормала. Времето е најсилниот адут за жртвените јагниња кои ги пеплосавте за гнасна цел. Да живее Република Македонија, право и правда за сите македонски граѓани!“, напиша Василевска на својот профил на Фејсбук.

За коментарот за 27 април алудираше на критиките во јавноста дека во телевизиско студи додека се одвивал упадот во Собранието инцидентот го оквалификувала како „мирољубив“.