Иванов од Њујорк: Никој не може да биде повикуван на одговорност за гласање, односно негласање
Објавено во: Македонија 27 Септември, 2018
Претседателот Ѓорге Иванов во обраќањето на 73. Генерално собрание на Обединетите нации во Њујорк рече дека гласањето на референдумот е право, а не обврска.
Тој додаде дека секој граѓанин има право сам да одлучи дали да излезе да гласа или да бојкотира.
„Никој не може да биде повикуван на одговорност за гласање, односно негласање на референдумот“- изјави Иванов.
Иванов потенцираше дека како граѓанин ја донел својата одлука дека нема да излезе да гласа на 30 септември, затоа што според него овој референдум може да донесе состојба на потчинетост на Македонија под друга држава.
„Ќе бидеме држава само по име, а не по суштина“- истакна Иванов.
Пред референдумскиот молк, претседателот Иванов упати порака и до сите држави кои ја имаат признато Македонија под уставното име да не ги менуваат нивните одлуки.
Тој упати критики за договорот, нарекувајќи го самоубиство за Македонија, и додаде дека текстот на договорот бил составен без негово знаење.