ИЗБЕГНАТА АВИОНСКА ТРАГЕДИЈА ВО СЛОВЕНИЈА: Авион со туристи успешно се вратил на аеродромот откако удрил во птица
Објавено во: Балкан 09 Мај, 2021
Авион на
компанијата „Трејд ер“, кој требало да лета на линијата од Љубљана кон
португалскиот град Мадеира, од аеродромот „Јоже Пучник“, утрово морал да се
врати на пистата на словенечкиот аеродром, откако удрил во птица, објави
порталот 24 ур
Туристите биле префрлени во друг авион за да стигнат до планираната дестинација.
Порталот објави дека од комуникацијата помеѓу контролата на летот и пилотот на Ербасот А320 можело да се слушне дека пилотите решиле да се вратат поради проблеми со еден од моторите.
Неколку минути подоцна, птица грабливка е пронајдена на пистата, објави агенцијата СТА.
По инцидентот со птицата, авионот ќе мора да помине инспекција од инженер и да утврди дали моторот претрпел некое оштетување, односно дали му е потребна каква било замена.
Ербас А320 е во флотата на хрватската авиокомпанија „Трејд ер“.