Извештај во Бундестагот: Во кои индустрии странците имаат најлоши услови за работа во Германија?
Објавено во: Економија 06 Декември, 2018
Работодавците во Германија ги искористуваат странците, односно редовно плаќаат помалку за нив, ги вработуваат без договор за работа и ги принудуваат да работат прекувремено. Странските работници не добиваат листа за исплата и не им плаќаат за прекувремена работа, предупредува Германскиот институт за човекови права.
Се работи за сите странски работници, а најголема „жртва“ се Ирачаните и Сиријците кои пристигнуваат во поголем број од 2015 година, но исто така и Романците и Бугарите , како и Латиноамериканците, се „експлоатирани" на работното место, според Независниот институт за човекови права кој го достави овој извештај до германскиот парламент.
Често добиваат многу помалку од законски пропишаната минимална плата, што во моментов изнесува 8,84 евра бруто на час. Работодавците често ги сместуваат во несоодветни услови, вели институтот, кој своите заклучоци ги формулира на основа со директни разговори со странски работници.
Таквите ситуации се чести во градежниот сектор, фабриките за преработка на месо, но исто така и во здравството, хигиената и угостителството.
Во извештајот се предупредува дека странците често работат без договор и не добиваат листа за исплата на плата, што ги попречува во евентуално покренување на тужба во судот. Нивните работодавци не им плаќаат никакви социјални придонеси.
"Всушност, овие луѓе имаат речиси и да нема можност да се обратво на судот во врска со барања за плата", изрази жалење Беате Рудолф, директор на Институтот, на презентацијата на извештајот.