Ја фаќа ли корона вирус и Македонската берза?
Објавено во: Финансии 25 Февруари, 2020
За 1,67 проценти падна вредноста на индексот МБИ 10 на Македонска берза денеска. Се намали цената на повеќето акции за време на денешното тргување, а според податоците кај некои компании регистиран е пад и од над два проценти. Индексот паѓаше и во текот на вчерашниот ден, додека минатата недела заврши со раст на цените на акциите. Во петокот МБИ 10 порасна за 3,55 проценти.
Оваа активност на берзата се случува во време кога има своевидна реакција и на меѓународниот пазар на капитал, најмногу поради случувањата околу развојот на заразата со корона вирусот.
Вчера вредноста на американските се намали драстично, а на европскиот пазар, италијанските акции паднале за повеќе од четири проценти.
Сепак македонскиот пазар од поодамна е во летаргија, а раководството на берзата прави малку да се збогати понудата и пазарот да се размрда.