Јадранскиот брег ја губи работна сила

Добивај вести на Viber

Проблемот со недостатокот на сезонска работна сила, освен Црна Гора, ја погоди и Хрватска.

Оваа година Хрватска ги одобри квотите за увоз на 15.000 работници, а се проценува дека за неколку години ќе недостасуваат до 60.000 работници.

Основачот на консултантска фирма за хотел и туризам за Југоисточна Европа, Мирослав Драгичевиќ, за хрватски медиум вели дека проблемот со работна сила во туризмот е и глобален, бидејќи работните позиции не се доволно финансиски атрактивни за вработување.

„Проблемот на пазарот на трудот, сега доаѓа на дневен ред, бидејќи локалните луѓе повеќе не сакаат да работат за  ниски плати и ниски бенефиции. Во секој случај, ситуацијата ја достигна точката каде што ќе треба да се најдат структурни решенија, а тие се поврзани со зголемување на платите и подобри работните услови, рече Драгичевиќ .

Според него, во Хрватска случајот на локалниот пазар на труд влезе во еден вид спирала на смртта и веќе не е можно да се очекува регрутирање на идните потреби од националните, па дури и регионалните пазари. Силната интернационализација на пазарот на трудот во оваа индустрија станува навистина неизбежна.

Проблемот, додава тој, е поврзан со имиграцијата и со ксенофобична природа на луѓето на брегот.