Јакимовски заглави во полициска станица, општински службеници се носат на суд

Добивај вести на Viber

Додека поранешниот градоначалник на Карпош и претседател на партијата ГРОМ, Стевчо Јакимовски, се уште е во полициската станица Пролет, службеници од општината и негови поранешни соработници се спроведуваат во судот, кој треба да одлучи дали ќе им одреди мерки на претпазливост.

Финансиската полиција на распит ги донесе лицата кои се осомничени за злоупотреба на службената положба во делот на три јавни набавки во општина Карпош, за време на мандатот на ексградоначалникот Стевчо Јакимовски, кој исто така беше приведен во врска со овие случаи.

Финансиската полиција освен против Јакимовски поднесе кривична и за М.Д. во својство на раководител на секторот за Јавни набавки, Н.Н. во својство на помошник раководител на секторот за финансиски прашања, С.М. во својство на раководител на одделението за норматива во правниот сектор и А.С. раководител на одделението за сметководство.

Тие се спроведени во судот каде судија на претходна постапка треба да одлучи дали ќе има мерки на претпазливост, додека Јакимовски и натаму се наоѓа во полициска станица.

Петстотини и деведесет и пет илјади евра или 36.634.675 денари е оштетен буџетот од страна на поранешниот градоначалник на општина Карпош, Стевчо Јакимовски и уште четири лица, соопшти финансиската полиција која ги гони за три јавни набавки.

Финансиската полиција освен против Јакимовски поднесе кривична и за Раководителот на секторот за Јавни набавки (М.Д.), помошник раководителот на секторот за финансиски прашања (Н.Н), раководителот на одделението за норматива во правниот сектор (С.М.) и раководителот на одделението за сметководство (А.С.), кои се гонат за слоупотреба на службената положба.

Од Финансиската полиција велат дека Јакимовски во својство на градоначалник во 2012 и 2013 година во име и за сметка на Карпош спровел две постапки за јавни набавки, иако знаел дека правното лице Алконпроект ДООЛ Тетово не доставило банкарска гаранција за квалитетно и навремено извршување на договорот.

– Наместо да го раскине договор и да ја активира и наплати банкарската гаранција на понуда согласно Законот за јавни набавки, С.Ј. му дозволил на изведувачот да започне со вршење на активностите согласно договоррите, и потоа заради неквалитетно и ненавремено извршување на работите ги раскинал договорите со изведувачот, со што му овозможил да стекне противправна имотна корист на име на необезбедени и неплатени банкарски гаранции за квалитетно извршување на договорот, во износ од 911.166 денари, а на штета на Буџетот на Општина Карпош.