ЈАНЕВА Е ПОДОБРО: По 4 дена во болница, денес се враќа во Шутка
Објавено во: Македонија 14 Октомври, 2019
Четири дена второосомничената во случајот „Рекет“ одлежа во болницата на Жан Митрев каде беше примена во многу лоша здравствена состојба.
Одбраната за дел од медиумите викендов потврди дека состојбата на поранешната специјална обвинителка е подобра и дека во текот на денот треба да биде вратена во затворот во Шутка.
-Јанева е многу подобро и утре ќе замине од болницата. Таа ќе биде вратена во затворската келија во Шутка а дали притворот ќе и биде продолжен ќе одлучуваат апелација и кривичен.
Оваа недела треба да се одлучи и дали на Јанева ќе и биде прифатено барањето да се брани од слобода за што таа понуди гаранција од три стана.
Обвинителниот акт веќе стигнал на адреса на Кривичен суд.