Јанева го затвори боледувањето
Објавено во: Македонија 23 Јули, 2019
Специјалната јавна обвинителка Катица Јанева го затвори боледувањето и ќе продолжи своите работни активности во СЈО, отклако денеска се појави на работното место и даде изјава пред новинарите за прв пат откако беше отворен случајот „Рекет“ и и беше одземен мобилниот телефон.
Јанева го отвори на 16 јули, еден ден откако најави дека се повлекува од функцијата, и цела недела не доаѓаше на работното место, доведувајќи го во прашање функционирањето на обвинителството, имајќи ги во предвид своите ингеренции кои што доминираат во хиерархијата.
„Во наследство по мојата оставка како специјален обвинител оставам десетина готови, завршени истраги, кои може брзо да бидат процесирани во обвиненија. Тие ќе го дадат одговорот зошто некој толку жестоко се спротивстави јас да бидам реизбрана на функцијата“, рече денеска Јанева пред новинарите.