Јанева: ЈО нема докази против мене, се уште одам со крената глава
Објавено во: Македонија 03 Декември, 2019
Катица Јанева очекува ослободителна пресуда. За случајот во кој се гони вели дека е дело на јавната обвинителка , денеска не призна никаква вина истакнувајќи дека ОЈО нема докази против неа.
Очекувам судот да донесе ослободителна пресуда за дело што е инструирано од јавната обвинителка и се надевам дека не се плашите од нејзините закани за „тресење од гаќи“, рече Јанева додавајжи дека во изминатите четири години се изложила лично, како и нејзиното семејство на голем ризик и се уште оди гордо и со крената глава.
Адвокатката на Катица Јанева, Ирена Фрчковска, кажа дека одбраната ќе докаже дека Јанева е невина и неосновано обвинета, злоупотребена со нечесни игри.
– Обвинителството нема ниту еден доказ. Ја товари Јанева дека наводно ги злоупотребила својата позиција и моќ, за што тврди дека го направила за остварување на лична корист, изјави Фрчковска дополнувајќи дека ќе докажат дека Јанева не ги пречекорила своите овластувања во ниту еден момент.
-Таа имала право да го стори сето тоа, согласно својата проценка доколку тоа придонесе за решавање на случајот. Ќе докажеме дека Јанева сето тоа го направила за побрзо затворање на случајот, а не за остварување на лична корис, изјави Фрчковска.
Претходно и првообвинетиот Бојан Јовановски се изјаснија дека не чувствува вина, додека Зоран Милевски – Кичеец го призна делото за „Рекет“.
Судењето за „Рекет“ продолжува на 6 декември, за кога се повикани исказ да дадат сведоците Јордан и Ана Камчеви.