Јанева вели дека „бомбите“ на Ел Чека можеби се земани од „Јутјуб“
Објавено во: Македонија 13 Јуни, 2019
Специјалната јавна обвинителка, Катица Јанева вели дека „бомбите“ кои се објавуваат на Фејсбук профилот на „Ел Чека“ не се дел од разговорите кои ги поседува СЈО.
Јанева вели дека СЈО не поседува разговори со таква содржина.
Но, обвинителката минатата недела изјави дека дел од овие „бомби“ имаат слична содржина со тие кои се под истрага во СЈО.
На прашање дека дел од „бомбите“ кои се објавувани биле дел од разговорите кои порано ги објавувала опозицијата, Јанева искоментира дека може се земени до „Јутјуб“.
Јанева даде отчет за сработеното во првата половина од годинава пред Советот на јавни обвинители. Јанева и Советот се со став дека мора во најбрз можен рок да се донесе законот за обвинителство со кој се решава и идниот статус на СЈО.