Јанева вели Милошоски се занесува со изјавите, тој и порача да прочита некоја книга
Објавено во: Македонија 05 Јуни, 2019
Специјалната јавна обвинителка, Катица Јанева се надева дека законот за јавно обвинителство брзо ке биде донесен и покрај отпорот на опозицијата за идниот статус на СЈО. Таа директно го нападна пратеникот Антонио Милошоски, откако тој во преговорите побара новиот обвинител кој ке биде на чело на ова обвинителство да има повисок просек од Правниот факултет.
„Не може да преговара лице, многу пати сум кажала, кое веќе има предмет во предистрага и во истрага и дава квалификации за СЈО, за мојата личност или за кое било прашање поврзано со СЈО. Тука мислам на Антонио Милошоски, кој многу се занесува во своите изјави“, рече Јанева.
Милошоски на овие прозивки одговори на социјалните мрежи.
„Мојот скромен коментар би бил, со толку висока плата ќе беше полезно и за неа и за јавноста да прочита некоја добра книга за да го збогати својот вокабулар, ако веќе е касно да се поправи нискиот просек од Правниот факултет!“, пишува тој.
Пратеникотн тврди дека има многу подобри и поквалитетни кадри кои може да ја заменат Јанева, а со кои ќе се подобри работата на обвинителството. Очекуваат да се прифатат дел од поднесените 65 амандмани. Нема да дозволат незаконски истраги надвор од законскиот рок.