23 Мај, 2019
0.0300

Јавната администрација најмногу потфрли кај германските инвеститори. Најзадоволни се од цената на трудот

Објавено во: Економија 19 Април, 2019

Од 15 земји во Источна Европа во кои што има германски стопански комори, германските инвеститори се убедливо најнезадоволни од Македонија во мисењето за јавната администрација. Од сите други економски параметри, овдека нашата земја е најзакована на дното со само 3 отсто задоволни и дури 85 отсто незадоволни и многу незадоволни. Македонија е многу поценета од германските бизнисмени во делот на субвенциите и достапноста на висококвалификуваниот кадар.

Студијата е дел од истражувањето спроведено од 15 германски надворешно-трговски комори во регионот и Македонија во сите споредби со Полска, Унгарија, Чешка, Словачка, Романија, Литванија, Естонија, Летонија, Словенија, Хрватска, Бугарија, БИХ, Србија и Албанија ретко кога се одвојува од последнорангираните. Опфатени се 1.373 германски компании во овој дел од континентот.

Во ова севкупно истражување се земаат предвид и резултатите на Македонско-Германското стопанско здружение, од каде што пред извесно време беше оценето дека економска ситуација во земјата 5 отсто од компаниите ја оцениле како добра, а 56 ја оценуваат како лоша а 39 проценти како задоволителна. Само 10% од испитаните компании со германски капитал во Македонија развојот во сопствената бранша го оценуваат како добар, 49 проценти се задоволни, 41 отсто го оценуваат како лош. Годината започна веќе со неколку нови инвестиции од Германија, а 76% од испитаните компании повторно би инвестирале во земјата.

Од професионаното образование на работниците немало ниту еден презадоволен германски инвеститор, а само 8 отсто биле задоволни, но и на ова поле Македонија е меѓу последните, исто како и за прашањето за образованието за кое 23 отсто од германските управитеи се задоволни, а 20 отсто се незадоволни, додека екстремите од многу задоволни и многу незадоволни се незабележителни.

За даночниот систем има дури 27 отсто многу незадоволни, односно повеќе од една четвтина, но затоа има и два посто презадоволни, а на ова поле предничат Естонија, Бугарија, Унгарија и Литванија. Од даночните зафати има многу повеќе незадоволни, односно 34 отсто наспроти само 2 отсто задоволни и исто толку презадоволни.

Македонија е меѓу последните во очите на германските претприемачи и кај политичката и социјалната стабилност, но барем нешто подобро им е мислењето од нивните колеги-сонародници од Хрватска, Албанија, БИХ и Романија. 

Земјата добро стои на полето на транспарентноста во јавните набавки, некаде на средината, но со повоќе од половината испитаници незадоволни е далеку од Естонија каде што безмалку половина се задоволни и многу малку со спротивно гледиште.

Перцепцијата за правната сигурност во Македонија е на дното со огромно мнозинство незадоволни, исто како и БИХ и Хрватска. Слична е ситуацијата и во (не)предвидливоста на економската политика, борбата со корупцијата, инфраструктурата

Најзадоволни во Македонија се од субвенциите. Земјата овој пат е со среден пласман, а дури 8 отсто се презадоволни и исто толку задоволни. Тука подобри сме и од земји како Унгарија и Словачка. Истото важи за достапноста на висококвалификуваниот кадар, а зад нас се Словенија, Бугарија и Чешка.

Убедливо најзадоволни од нас споредено со другите дестинации од Источна Европа е цената на трудот. Само тука Македонија е во најгорните земји со 22 отсто задоволни испитаници.

Можеби ќе ве интересира

ШТО СЕ ПРОМЕНИ: САД повторно купува нафта од Венецуела

ШТО СЕ ПРОМЕНИ: САД повторно купува нафта од Венецуела

Конкуренцијата во јавните набавки во второто полугодие од 2018 година е влошена

Конкуренцијата во јавните набавки во второто полугодие од 2018 година е влошена

НЕВЕРОЈАТЕН СКОК ВО РЕГИОНОТ: Квадрат чини 5.000 евра

НЕВЕРОЈАТЕН СКОК ВО РЕГИОНОТ: Квадрат чини 5.000 евра

Од сиромашна колонија станаа една од најбогатите држави на светот

Од сиромашна колонија станаа една од најбогатите држави на светот

ДОШЛЕ ПО РАБОТА: Се создаде бразилска колонија во регионот?

ДОШЛЕ ПО РАБОТА: Се создаде бразилска колонија во регионот?

Колку милиони евра вртат големите трговци со автогуми?

Колку милиони евра вртат големите трговци со автогуми?

ДОЖИВУВА БУМ: Ова вреди како златото

ДОЖИВУВА БУМ: Ова вреди како златото

Собирајте повеќе, трошете подобро

Собирајте повеќе, трошете подобро

Советникот кој го испрати Меркел со забелешки за нашата економија

Советникот кој го испрати Меркел со забелешки за нашата економија