Јавно Обвинителство: Еден од новоосомничените во „Рекет“ е функционер
Објавено во: Македонија 09 Октомври, 2019
Јавното обвинителство објави соопштение во кое наведува дека едно лице одо новоосомничените во случајот со Меѓународниот сојуз на Бојан Јовановски е функционер во новата истрага. Угледот на ова лице бил користен за да се засили убедувањето кај бизнисмените и да бидат доведени во заблуда и да помислат дека зад проектите стои власта.
„Воедно, едно од осомничените лица како функционер, заедно со првоосомничениот присуствувало на средбите организирани од првоосомничениот, при што го искористило својот углед и авторитет и оштетените стекнале впечаток дека зад понудените проекти стои извршната власт“, се вели во тукушто објавеното соопштение на ЈО.
Надлежниот јавен обвинител издаде наредба за спроведување на истражна постапка против пет физички лица и едно правно лице, кое во случајот е Меѓународниот сојуз о се сомничи за измама. Јовановски се соминчи за измама и перење пари, а тројца од нив се сомничат дека помагале и при извршување на кривичното дело „Перење пари и други приноси од казниво дело “.
Бо периодот од јули 2017 година до април 2018 година Јовановски довел до заблуда двајца градежни инвеститори. Тој, лажно прикажувајќи дека ќе обезбеди државно неизградено земјиште за изградба на центар за возрасни лица и мобилен сервис, а потоа и субвенционирање од страна на државата, од оштетените преку авторска агенција успеал да добие парични средства од 719.905 евра од едното правно лице и 233.821 евра од другото.
Останатите осомничени лица со умисла му помагале на првоосомничениот во извршувањето на кривичните дела изготвувајќи договори, подигнувајќи ги уплатените средства и уплаќајќи средства на други правни лица по основ на позајмица или донација.
Обвинителството најавува мерка притвор за едно лице и мерки на претпазливост за останатите осомничени лица.