Јетон Шаќири за „рамковните“: Ќе се раскине работниот однос ако не ја прифатат трансфер-листата
Објавено во: Економија 08 Декември, 2020
Министерот за информатичко општество Јетон Шаќири за Телма рече дека со новиот закон кој беше утврден вчера на владина седница, вработените „по Рамковен договор кој седат дома и земаат плата“ ќе бидат отпуштени доколку одбијат да бидат прераспределени според трансфер-листата која ќе ја изготви неговото министерство.
Станува збор за 1.420 лица за чии плати во Буџетот за 2021 се проектирани 9,3 милиони евра.
- Има меѓу нив такви што сакаат да одат на рбаота, но поради процедурите ја имаме оваа ситуација. Ако тие првично не прифатат, ќе се најдат на трансфер листа и ќе се раскине работниот однос ако не го прифатат барањето од другата институција за нивно превземање, рече Шаќири.
Вработените за кои е познато дека 10 години ја немаат заработено платата која ја примаат со новиот закон ќе им се даде рок од 7 дена да прифатат одредено работно место според планот на Владата, а ако одбијат ќе одат на трансфер-листа на МИОА. Таму ќе имаат рок од 5 дена да потпишат дека ја прифаќаат понудата, или во спротивно трајно ја губат работата.