ЈOВЕСКИ ЗА БОКИ 13: Здравјето не е основ за укинување на притворот
Објавено во: Македонија 14 Ноември, 2019
Државниот јавен обвинител, Љубомир Јовески вели дека здравјето не е основ за укинување на притворот, но обвинителството се грижи за здравјето на обвинетите.
Вчера адвокатот на Бојан Јовановски, Сашо Дуковски рече дека на Боки му откажал левиот бубрег.
„Зависи какви барања ќе има од притвореното лице, обвинителството ќе даде соодветно мислење, а судот одлука“ – изјави Јовески.
Дуковски вчера изјави дека Боки 13 е во тешка здравствена состојба и дека функционира без еден бубрег.
Јовановски е во притвор за случајот „Рекет“. Основниот Кривичен суд во земјава деновиве информираше дека предметот на Бојан Јовановски, поранешната специјална обвинителка Катица Јанева и Зоран Милески, ќе го води судијката Васка Николовска-Масевска.