ЈП Водовод и Канализација – Скопје дел од XXVI Комуналијада
Објавено во: Мои пари 04 Октомври, 2019
ЈП Водовод и Канализација – Скопје како компанија која ги поддржува спортските и мотивациски активности и оваа година традиционално учествува на работно-спортските средби, XXVI Комуналијада, кои ќе се одржат од 03-ти до 06-ти Октомври, 2019 во Охрид во хотел Десарет. Работно спортските средби се во организација на Синдикатот – СУТКОЗ на Република Северна Македонија.
Тимот на ЈП Водовод и Канализација – Скопје е составен од 110 учесници, кој заедно со тимовите од сите комунални претпријатија во државата, членови на СУТКОЗ ќе се натпреварува во различни спортски дисциплини: мал фудбал, шах, стрелаштво, пинг-понг, пикадо, кошарка, влечење јаже, куглање, како и една работна дисциплина монтирање водомери.
ЈП Водовод и Канализација – Скопје им посакува среќа на сите тимови, добра забава, дружење и одлична соработка.