ЈСП Скопје побара законски измени и отстапување нафтени резерви од Владата
Објавено во: Македонија 05 Јануари, 2022
ЈСП Скопје и денеска ја повика Владата да донесе одлука за субвенционирање на на скопското претпријатие. Од таму побараа да се иницираат промени во Законот за енергетика.
Откако добија одговор од Регулаторната комисија за енергетика дека не може да се замрзне цената на метанот, од ЈСП Скопје бараат на регулаторот да му се даде законска можност за одредено регулирање на цената на ова гориво во кризни ситуации.
Како што велат од ЈСП, Владата може да донесе одлука за отстапување на нафтени деривати без надомест на Град Скопје, како што веќе, како што велат од таму, така еднаш било случај во 2020.
– Врз основа на досегашната практика за намалување на ценовниот шок, ова може да се примени и во случајов кога имаме драстично покачување не само на цената на електричната енергија, туку и на цените на метанот, гласи повикот на ЈСП.