Јурaтовиќ предупредува дека населението во Македонија ќе се почувствува оставено на цедило
Објавено во: Свет 06 Јуни, 2019
Северна Македонија да се приклучи во НАТО и да се даде ЕУ перспектива.
Oва го бара пратеникот во германскиот Бундестаг, Јосип Јурaтовиќ. Тој денеска оцени дека Европската Унија, поради својата безбедност, мора да даде на Северна Македонија искрена европска перспектива и да ја вклучи во трансатлантските структури.
„Многу е важно да се создадат услови за Северна Македонија да влезе во НАТО. Помалку затоа што тоа би било од особена воена важност, но многу повеќе затоа што е потребно Северна Македонија безбедносно и политички да се прицврсти во трансатланските структури“, изјави Јуратовиќ.
Претеникот на Социјалдемократската партија на Германија во соопштението предупреди дека Северна Македонија е „многу етнички разновидна” и дека во неа „националистичките сили ќе имаат лесна работа ако населението добие впечаток дека западните земји ги оставиле на цедило”.
Вели дека доколку не се понуди искрена европска перспектива за нашата земја, тогаш ќе ослабнат демократските сили во земјава.
Дебатата за членството во НАТО во германскиот Бундестаг, се претвори во жестока кавга меѓу власта и опозицијата околу датумот за членство на Македонија во Европската Унија. Пратеникот на Зелените Јирген Тритин директно ја прозва канцеларката Ангела Меркел и нејзината ЦДУ, како главен кочничар за датумот за Македонија.