Јутјуб го блокираше каналот на Трамп: Му „се сечат“ сите канали на комуникација
Објавено во: Свет 13 Јануари, 2021
YouTube соопшти дека го суспендира каналот на Доналд Трамп бидејќи ги крши политиките за поттикнување насилство по минатонеделниот напад врз Капитол од приврзаниците на претседателот.
Интернет-платформите и компаниите за социјални медиуми се дистанцираат и преземаат мерки против оние што ги охрабруваа или учествуваа во насилството во Вашингтон.
На каналот на Трамп сега нема да може да се поставуваат нови видеа или стримови во живо минимум седум дена, што може да биде продолжено, се вели во соопштението на Youtube.
Компанијата исто така оневозможи да се гледааат коментарите под видеата на каналот. Суспензијата на каналот на Трамп дојде по коментарите што тој ги даде на прес-конференција, што беше проследена на платформата во вторникот наутро, соопшти компанијата.
Акцијата на YouTube против претседателот доаѓа откако групите за граѓански права изјавија дека се подготвени да организираат бојкот на рекламни службеници против компанијата доколку не го отсрани каналот на Трамп.
Поддржувачите на Трамп упаднаа во Капитол во средата, обидувајќи се да го запрат сертифицирањето од страна на Конгресот на изборната победа на новоизбраниот претседател eо Бајден.
Викендов Твитер го укина целосно профилот на Трамп на оваа платформа.