Јужна Осетија оди на референдум на кој ќе одлучи дали ќе се обедини со Русија
Објавено во: Свет 13 Мај, 2022
Јужна Осетија на 17 јули преку референдум ќе одлучи дали ќе стане дел од Русија.
Претседателот на грузискиот отцепен регион Анатолиј Бибилов денес најави дека територијата ќе одржи референдум на 17 јули за тоа дали да стане дел од Русија, објави новинската агенција Тасс.
Москва ги призна Јужна Осетија и крајбрежниот регион Абхазија како независни по војната со Грузија во 2008 година. Таа обезбеди голема финансиска поддршка, понуди руско државјанство на нивното население и стационираше илјадници војници таму, потсетува Ројтерс.
Малиот претежно планински регион има население од околу 60.000 жители и граничи со Северна Осетија, која е дел од Русија. Бибилов на 30 март рече дека Јужна Осетија во блиска иднина ќе преземе чекори за приклучување кон Русија. Toгаш Грузија ја осуди идејата за референдум како неприфатлива.
Русија бара припојување на украински територии каде има руско малцинство. Се говореше и за можна дестабилизација на Молдавија, поради регионот каде има руско население.
Придњестровје не е под контрола на Кишињев од почетокот на 1990-тите. Генералното собрание на ОН во јуни 2018 година ја повика Русија да ги повлече своите сили од Придњестровје. Резолуцијата беше поддржана од 64 држави, 14 беа против, а други 83 држави беа воздржани. foto EPA-EFE/ZURAB KURTSIKIDZE
Можеби ќе ве интересира
ФУТУРОЛОГ ПРЕДУПРЕДУВА: Физичките пари исчезнуваат, „новите банки“ ќе профитираат
КОЈ ПИЕ НАЈМНОГУ ВО ЕВРОПА: Изненадувачки податоци за Македонците, еве колку пијат
ЕВРОПА СЕ „ДЕЛИ“ НА ДВА ДЕЛА, И МАКЕДОНИЈА ПРЕД ГОЛЕМ ШОК: До крајот на месецов не очекува значително студено време
МОЖЕТЕ ДА ЖИВЕЕТЕ ВО ИТАЛИЈА, А ДА РАБОТИТЕ ВО МАКЕДОНИЈА ИЛИ БИЛО КАДЕ ВО СВЕТОТ: Еве кои услови треба да ги исполните и колку се чека за виза
СО ЧАСОВИ ЧЕКААТ ЗА ОБРОК: Гладот ги мачи Палестинците во Газа
ЛАВРОВ: Русија ќе ја поддржи воената акција на Иран против Израел
(ВИДЕО) СЕ ТЕПАА ГРУЗИСКИ ПРАТЕНИЦИ: Законот за странски агенти создаде раскол
МАКРОН, ШОЛЦ И КАМЕРОН СЕ ЗАГРИЖЕНИ: Го повикаа Израел да не ги ескалира односите со Иран
ШТО ТОА ЗНАЕ ВУЧИЌ? „Се наѕираат огромни и темни облаци, доаѓа најтешкиот период од 1945 година“
