КАБИНЕТОТ НА МЕРКЕЛ: Северна Македонија натамошно се ориентира кон ЕУ и НАТО
Објавено во: Македонија 13 Јуни, 2019
Во соопштението од Кабинетот на германската канцеларка, Ангела Меркел стои дека Северна Македонија прави крупни чекори напред во реформите и значително ја подобри својата позиција за приближување кон ЕУ.
„Северна Македонија натамошно се ориентира кон ЕУ и НАТО. Земјата во изминативе години амбициозно го реформира својот безбедносен сектор и прави големи чекори напред на полето на владеењето на правото и демократијата. Владата се обврза да продолжи со започнатите реформски чекори“, се наведува во проширеното соопштение.
За разлика од првото соопштение од средбата кое беше насловено „Зацврстување на стабилноста на Балканот“, во новото е сменет и насловот, па сега се вели „Натамошна промоција на европската интеграција“.
Во новата верзија, се апострофира дека по извесното членство во НАТО, ќе следи и приближување кон ЕУ.