Каде напредуваат Украинците и колку места ослободија?

Се зголемуваат териториите под контрола на Украинците. Украина го направи најголемиот пробив на југот од почетокот на војната, брзо напредуваат и на исток.

Украина го направи најголемиот пробив на југот и ја скрши руската одбрана. Градот Дудчани, кој се наоѓа на околу 30 километри јужно од местото каде што беше фронтот, повторно е во рацете на украинските сили.  Украинските трупи успеаја да вратат неколку села долж реката Днепар, потврди лидерот назначен од Русија во областа. Вкупно 31 руски тенк се уништени при движењето на украинските сили кон југ, заедно со еден повеќекратен ракетен фрлач. Загрозени се и рутите за снабдување на руските војници. Претседателот на Украина, Володимир Зеленски изјави дека украинската армија освоила градови во голем број области, но не соопшти дополнителни детали. Зеленски вели дека Русија ќе сфати дека згрешила што ја почнала војната. Војната почна на 24 февруари. Русија имаше неколку клучни барања, денацификација на Украина, таа да остане воено неутрална и Доњецк и Луганск да бидат независни. Нема најава за преговори меѓу двете земји. Украина не сака да преговара додека претседател на Русија е Владимир Путин.