Каде во Македонија има најдебела снежна покривка?
Објавено во: Македонија 22 Јануари, 2018
Во Македонија најмногу снег има во Ѓуриште, каде што снежната покривка изнесува 14 сантиметри.
Снежната покрива во Тополчани е 12 сантиметри, во Пожаране 10, Маврово 9, Лазарополе и Берово 5, Крива Паланка 4, додека во Битола и Крушево по 1 сантиметар.
Во Скопје, Битола и Штип дуваше ветер со брзина до 55 километри на час, информираат од Управата за хидрометеоролошки работи.
Денеска времето ќе биде променливо облачно, а во северните и источните делови од земјата ќе провејува слаб снег.
Максималните температури ќе се движат до 6 степени.
Во текот на денот се очекува намалување на облачноста и сончево време со умерена облачност. Ќе дува умерен до засилен северен ветер, особено во Повардарието и во Пелагонија.
Во Скопје времето ќе биде променливо облачно, попладнето сончево и студено со умерена облачност. Ќе дува умерен до засилен северен ветер, а температурата ќе се искачи до 4 степени.
Во текот на неделата што следува ќе биде стабилно, со ниски утрински температури, кои ќе се движат од -9 до -2 степени, додека дневните ќе бидат во постепено покачување.