Кадри Весели: Историскиот договор за името на Македонија е еден храбар и правичен чин
Објавено во: Македонија 17 Јуни, 2018
Претседателот на косовското Собрание, Кадри Весели го поздрави договорот кој денеска го потпишаа министрите за надворешни работи на Македонија и Грција, Никола Димитров и Никос Коѕијас.
Као што јавува дописникот на МИА од Приштина, тој порача дека тоа што го направија денеска Скопје и Атина придонесува за мирот и стабилност во целиот регион.
„Честитки за потпишувањето на историскиот договор за името на Македонија, еден храбар и правичен чин, кој придонесува не само за подобрување на односите меѓу двете земји потписнички, туку и за мирот и стабилноста на целиот регион. Посебно ме радува за нашите сонародници кои живеат во соседната држава. Поради фактот дека патот кон евроатлантските интеграции сега веќе е деблокиран“- напиша Весели на Фејсбук.
Претходно, по постигнувањето на договорот меѓу премиерите на двете земји, Зоран Заев и Алексис Ципрас, честитки до Скопје и Атина упатија и другите државни лидери, како и лидери на некои од опозициските партии од Косово.