21 Септември, 2019
0.0356

Како „Фершпед“ направи приход од 56 милиони евра?

Објавено во: Економија 18 Март, 2019

„Фершпед“ имаше успешна година. Добивката надмина 1,36 милиони евра, а профитот по акција е 75 евра и тоа е 6 отсто од последната пазарна цена. Ќе добијат ли годинава акционерите дивиденда, по долгогодишниот пост?

Најголемата македонска шпедитерска компанија лани го зголеми своето пазарно учество за 5 милиони евра и оствари приходи од продажба кои надминаа 56 милиони евра. Приходите на домашен пазар пораснале за 10 отсто однсоно за повеќе од 5 милиони евра, а нето добивката по акција е 75 евра, вест што сигурно ќе ги охрабри инвеститорите и ќе ги зголеми очекувањата на акционерите кои долго време не виделе дивиденда од своето вложување во „Фершпед“.

Лани компанијата оствари вкупни приходи од продажба кои надминаа 56 милиони евра. Повеќе од 90 отсто од нив се приходи на домашниот пазар и тие изнесуваат 53,5 милиони евра. Значајна е пенетрацијата на домашниот пазар и таа изнесува 10 отсто повеќе во однос на 2017 година. Оперативните расходи на компанијата пораснале за 8 отсто и тие изнесуваат 54,8 милиони евра.  Во нив најголема ставка, очекувано, се услугите со карактер на материјални трошоци кои лани пораснале за 13 отсто во однос на 2017 година и надминале 38,5 милиони евра.

Оперативната добивка на компанијата е 1,63 милиони евра и е зголемена за 44 отсто во споредба со 2017 година. А нето добивката лани е за 71 отсто поголема од 2017 година и изнесува 1,365 милиони евра што значи 75 евра по секоја акција со право на глас.

Што е индикативно?

„Фершпед“ лани успеа да ги зголеми своите финансиски  приходи за 75 отсто истовремено намалувајќи ги финансиските расходи за 35 отсто. Што значи тоа во пари? Финансиските приходи лани достигнале 170.000 евра, а финансиските расходи паднале на 210.000 евра. Краткорочните кредитни обврски, кои се главен генератор на финансиските расходи (кои во најголем дел е камати на кредити н.з.), лани се намалени за 66 отсто до износ од 0,95 милиони евра. За споредба на крајот на 2017 година по краткорочни кредити компанијата должела повеќе од 2,2 милиони евра. Ова е многу значајно за идните очекувања на инвеститорите во акцијата на „Фершпед“. Обврските по долгорочни кредити се намалени за 15 отсто. На крај на 2018 година тие изнесуваат 1,83 милиони евра.

Ова значи дека кредитната изложеност на „Фершпед“ на крај на 2018 година е пониска од 2,8 милиони евра. Вкупните обврски на компанијата на крај на минатата година се 9 милиони евра и се пониски за 10 отсто од 2017 година.


Р.Ф.

Можеби ќе ве интересира

Димковски: Со конкретни мерки, промоција и поддршка на извозот го развиваме органското производство

Димковски: Со конкретни мерки, промоција и поддршка на извозот го развиваме органското производство

13 милиони евра од ЕБОР за побрз и полесен транспорт

13 милиони евра од ЕБОР за побрз и полесен транспорт

Ова се топ пет професии со највисоки плати во земјава

Ова се топ пет професии со највисоки плати во земјава

СТАТИСТИКАТА ПОКАЖА: Се зголемила просечната плата во Македонија

СТАТИСТИКАТА ПОКАЖА: Се зголемила просечната плата во Македонија

Почитувањето на човековите права е обврска на државата и на сите сопственици на бизниси, менаџери(-ки) и вработени

Почитувањето на човековите права е обврска на државата и на сите сопственици на бизниси, менаџери(-ки) и вработени

Анѓушев: Се чека согласност на сите за минималната плата

Анѓушев: Се чека согласност на сите за минималната плата

ЌЕ ВАЖИ ЗА ЖЕНИ СО 60 И МАЖИ СО 62 ГОДИНИ: Ќе работат по 6 часа

ЌЕ ВАЖИ ЗА ЖЕНИ СО 60 И МАЖИ СО 62 ГОДИНИ: Ќе работат по 6 часа

Арцелор Митал стана дел од Либерти Стил на моќната ГФГ Алијансата

Арцелор Митал стана дел од Либерти Стил на моќната ГФГ Алијансата

Фондот за иновации првично одреди на кои 30 апликанти ќе им даде 5 милиони евра

Фондот за иновации првично одреди на кои 30 апликанти ќе им даде 5 милиони евра