КАКО ИЗГЛЕДА ЗАТВОРСКИОТ ДЕН НА МИЛИЈАРДЕРКАТА ОД СИЛИКОНСКАТА ДОЛИНА: Холмс станува во 6.00 и има саатнина од 0,12 долари, вака цели 11 години

Добивај вести на Viber

Некогаш икона и милијардерка од Силиконската долина, Елизабет Холмс почна да отслужува 11-годишна затворска казна. Таа сега ќе мора да се буди во 6 часот наутро секое утро, да работи работа што се плаќа само 0,12 долари на час и да дели бања во затворскиот логор во Јужен Тексас.

Холмс се пријавила во федералниот затвор во Брајан, Тексас, денеска за да започне со отслужување на нејзината 11-годишна затворска казна, откако беше осудена по повеќе точки од обвинението за измама на инвеститори додека ја водела сега веќе непостоечката стартап компанија Theranos. На почетокот на овој месец, Апелациониот суд го одби нејзиното барање да остане на слобода со кауција додека таа се жали на пресудата.

Лоциран на приближно 150 милји надвор од Хјустон, каде што Холмс пораснала пред да се пресели во Калифорнија за да се школува на Универзитетот Стенфорд, Затворот Брајан е федерален затвор со минимална безбедност во кој се сместени повеќе од 600 престапници, јавува CNBC.

Брајан има и други значајни затвореници. Во истиот објект, е и Џенифер Шах, актерка во „Вистинските домаќинки од Солт Лејк Сити“. Таа ја отслужува сопствената казна поради вмешаност во шема за измама за телемаркетинг.

Холмс, пак, некогаш ги красеше насловните страници на списанијата, се појавуваше покрај истакнати личности како Бил Клинтон на конференции и привлекуваше инвеститори за нејзината компанија, која вети дека ќе тестира широк спектар на здравствени проблеми користејќи само неколку капки крв. Но, сето тоа почна да се разоткрива по истрагата на Wall Street Journal во 2015 година.