КАКО МАЛАТА ОСТРОВСКА ЗЕМЈА СТАНА ДИГИТАЛЕН РАЈ: Амазон таму вложува милијарди, а ова е планот
Објавено во: Економија 24 Септември, 2021
Amazon Web Services ќе изградат нови „центри за податоци“ што ќе резултираат со отворање 1.000 нови работни места во следните 15 години.
Амазон планира да инвестира 7,5 милијарди новозеландски долари (5,3 милијарди американски долари) во изградба на нови центри за податоци во Нов Зеланд, пренесува дпа.
Веб -услугите на Амазон (AWS) ќе изградат нови центри за податоци што ќе резултираат со отворање 1.000 нови работни места во следните 15 години, објави американскиот гигант.
„AWS поддржува илјадници организации низ Нов Зеланд во нивните напори да иновираат, успеат и растат на глобално ниво“, рече портпаролот на компанијата Прасад Калијанараман.
„Возбудени сме што ќе изградиме нова инфраструктура од светска класа на локално ниво, ќе ги научиме Новозеланѓаните за потребните дигитални вештини и ќе продолжиме да им помагаме на локалните организации во креирање апликации што ја забрзуваат дигиталната трансформација и стимулираат економски раст“, додаде тој.
Досега, тие купуваа преку Австралија
Проектот треба да им овозможи на корисниците да управуваат со нивните апликации и да обезбедат услуги за крајните корисници преку центри за податоци лоцирани во Нов Зеланд. Ова ќе создаде услови да се исполнат барањата на оние клиенти кои сакаат нивните податоци да останат во Нов Зеланд, рече Калјанараман.
Соопштението е поттик за дигиталниот сектор на Нов Зеланд и изразува доверба во економското закрепнување на Нов Зеланд, рече министерот за дигитална економија и комуникации Дејвид Кларк во изјавата.
„Можеби сме мала островска нација, многу далеку од традиционалните пазари, но дигиталниот свет без граници постојано ни отвора нови иновативни економски можности. Ова е чекор напред за дигиталната зрелост на Нов Зеланд, бидејќи сите ние сѐ повеќе се прилагодуваме на светот што брзо се дигитализира“, заклучи министерот.
AWS има мала канцеларија во Нов Зеланд од 2014 година, одвоена од онлајн продавницата на Амазон, која е достапна само за Новозеланѓаните преку Австралија, забележува агенцијата дпа.
Можеби ќе ве интересира
НОВИ ПРОБЛЕМИ ЗА „БОИНГ“: ќе плати 443 милиони долари на авиокомпаниите за приземјувањето на авионите Max 9
ДАЛИ Е ОВА НАЈВИСОКАТА НЕТО ДИВИДЕНДА? Изнесува 35 евра за акција, а приносот е 7 отсто
Економската зона Ченгду-Чонгкинг е еден од главните мотори на идниот економски раст на Кина
САКАТЕ УСПЕХ ВО КАРИЕРАТА: Вмрежувајте се и ширете ги контактите
ПРОФИТОТ НА ТЕСЛА ПРЕПОЛОВЕН: компанијата ја губи трката од кинеските конкуренти
СВЕТСКИ ПОЗНАТА КОМПАНИЈА ТУЖИ АМЕРИКАНСКИ „ЏИН“: Им го украдоа заштитниот знак на моделите на спортска облека
„ПРИЛЕПСКА ПИВАРНИЦА“ ЌЕ ДЕЛИ ДИВИДЕНДА ОД ВКУПНО 714 ИЛЈАДИ ЕВРА - од пиво добро се живее во Македонија
ДОПРВА ЌЕ ГО БАРААТ И ЌЕ ПОСКАПУВА: Бакарот урива рекорди
ЕВЕ КАКОВ РАБОТОДАВАЧ Е „ЛИДЛ“: Искуствата на вработените кажуваат сѐ
