Како резултираше средбата Нимиц-Димитров-Коѕијас во Виена?
Објавено во: Македонија 13 Февруари, 2018
Денес во канцеларијата на ОН во Виена се сретнаа личниот пратеник на Генералниот секретар на ОН, Метју Нимиц, министерот за надворешни работи на Република Македонија, Никола Димитров и министерот за надворешни работи на Грција, Николас Коѕијас.
Средбата резултираше со желба за наоѓање на најдоброто решение околу спорот со името и сето тоа да биде под покровителство на ОН, велат од МНР.
Инаку, преговорите прв пат по обновувањето се водат на ниво на министри за надворешни работи, откако тоа го договорија премиерите Зоран Заев и Алекцис Ципрас на нивната средба во Давос минатиот месец.