18 Август, 2019
0.0168

Како сестрата му држи менаџерска лекција на братот?

Објавено во: Економија 15 Јули, 2019

Сестрата Олга лани била многу поуспешна од братот Коки во управување на семејните финансиски компании, покажуваат финансиските резултати на „Еуролинк осигурување“ и на „Еуростандард банка“. Осигурителниот бизнис расте и остварува значајна добивка од работењето, а банката има загуба од 6,3 милиони евра

„Еуролинк осигурување“ и „Еуростандард банка“ – две финансиски компании, поседувани и управувани од членови на семејството на познатиот бизнисмен Трифун Костовски. Тој, како и други успешни бизнисмени, своите капитали ги оставил на управување на своите две деца. Неговиот син Коста е претседател на Надзорниот одбор на „Еуростандард банка“, а неговата ќерка Олга управува со „Еуролинк осигурување“ една од најголемите и најуспешни осигурителни компании присутни на нашиот пазар.

Каков е резултатот на сестрата?

„Еуролинк осигурување“ зад себе има исклучително успешна деловна година. Компанијата го прошири своето работење, ја зголемува и зајакнува пазарната позиција и успешно се справува со големата конкуренција во осигурителниот бизнис. „Еуролинк“ 2018 година ја заврши со добивка од 695.000 евра и тоа е резултат што е за 580.000 евра подобар од резултатот остварен во 2017 година. Компанијата успеала да ги зголеми своите нето приходи од премија за 1,74 милиони евра лани и стигнала со износ на нето приходи од 13,7 милиони евра лани. При тоа остварила и приход од камати од 306.600 евра и приходи од капитална добивка од 70.000 евра. Лани „Еуролинк“ исплатил бруто штети во износ од 5,78 милиони евра и тоа е за половина милион евра повеќе од 2017 година. За работењето лани нето трошоците за спроведување на осигурувањето изнесуваат 6,2 милиони евра и се поголеми за 221.000 евра во однос на 2017 година.

Што направи братот?

„Еуростандард банка“ лани годината ја заврши со загуба од 6,33 милиони евра. Банката има намалено пазарно учество по основ на нето приходи од камати, има многу голем раст на резервациите за кредитни пласмани во услови кога се намалени кредитните пласмани, а бележи голем раст на депозитите. Нето приходите од камати лани изнесувале 4 милиони евра и тие се за 745.000 евра пониски од претходната година. Нето износот од провизии и надоместоци бил 2,76 милиони евра и е за 71.000 евра повисок од претходната година. Исклучително е голем износот на резервирани средства – 6,5 милиони евра и е за 2,4 пати повисок од 2017 година. Банката лани има и трошок на име загуба заради оштетени нефинансиски средства во износ од 1,2 милиони евра. Кај билансот на состојба видлива е намалена кредитната активност во однос на 2017 година. Нивото на кредити е 109,1 милиони евра, а претходно биле повисоки за 1,7 милиони евра. Најголем раст има кај депозитната база. Таа лани пораснала за 27,8 милиони евра до ниво од 178,2 милиони евра.
Банката лани во конкуренција на 15 банка била на 9 место од аспект на вкупните средства. Кај кредитирањето, лани, пазарното учество и било 2,3 отсто што е намалување од 0,1 отсто во однос на учеството во целиот пазар. Значајно е истакнато учеството на банката во корпоративното кредитирање во однос на кредитирањето граѓани. Кај кредитирањето правни лица учеството на вкупниот пазар е 3,4 отсто, а кај граѓанството е само 1,2 отсто.

Р.Ф. 

Можеби ќе ве интересира

ГЕРМАНИЈА БАРА ЕКСПЕРТИ: „По новиот закон граѓаните на Западен Балкан се привилегирани“

ГЕРМАНИЈА БАРА ЕКСПЕРТИ: „По новиот закон граѓаните на Западен Балкан се привилегирани“

Од септември повисоки плати за вработените во образованието

Од септември повисоки плати за вработените во образованието

ЗАРАБОТИЈА МИЛИЈАРДИ ДОЛАРИ: Како руски компании ќарија на американски санкции кон Иран и Венецуела

ЗАРАБОТИЈА МИЛИЈАРДИ ДОЛАРИ: Како руски компании ќарија на американски санкции кон Иран и Венецуела

ГЕРМАНЦИТЕ ДАДОА ТОЧНА ПРЕСМЕТКА: Еве колкава месечна плата ве прави богат човек

ГЕРМАНЦИТЕ ДАДОА ТОЧНА ПРЕСМЕТКА: Еве колкава месечна плата ве прави богат човек

Милионски суми: Колку му пораснаа приходите од продажба на Оилко

Милионски суми: Колку му пораснаа приходите од продажба на Оилко

СЕ ПРОДАВААТ СИТЕ УДЕЛИ: Кој ја стави на продажба гасната централа во Логоварди

СЕ ПРОДАВААТ СИТЕ УДЕЛИ: Кој ја стави на продажба гасната централа во Логоварди

„Фајненшл тајмс“ открива како стоиме со странски инвестиции во однос на регионот

„Фајненшл тајмс“ открива како стоиме со странски инвестиции во однос на регионот

Косово нема да увезува македонски мед и компири

Косово нема да увезува македонски мед и компири

Кои професии се најбарани во Германија?

Кои професии се најбарани во Германија?