Каков е ставот на западните сили за корекција на границите на Балканот?

Добивај вести на Viber

Властите во Велика Британија сметаат дека повиците за корекција на границата меѓу Косово и Србија би можеле да бидат дестабилизирачки, а Германија и понатаму е на ставот дека поместувањето на границите е ризично. 

За ова прашање САД имаат поумерен став, пренесува Радио Слободна Европа.

Швајцарскиот и германскиот печат деновиве повторно се занимаваат со темата прекројување на границите на Балканот. Идејата за голема Албанија деновиве е на насловните страници на швајцарскиот дневен весник „Блик“, кој во своја анализа посветена на оваа проблематика предупредува дека противниците на оваа идеја за прекројување на постојните граници на Балканот со страв ги следат чекорите на експресното приближување меѓу Албанија и Косово, особено по изјавите што ги споделуваат политичарите од двете земји речиси синхронизирано во периодов. Весникот пишува дека засега сето ова е незабележано од меѓународната заедница, а Приштина и Тирана со „гигантски чекори“ експресно ги доближуваат териториите што во поголем дел се населени со албанско население.

Во текстот со наслов „Повторно игра со границите“, германскиот весник „Бадише цајтунг“, меѓу другото, пишува дека Србија во моментов гласно предупредува за создавањето голема Албанија.