Каков услов има ВМРО ДПМНЕ за преговори со власта?
Објавено во: Македонија 27 Јули, 2019
-ВМРО-ДПМНЕ има предлог закон за јавно обвинителство кој што го образложивме вчера на прес конференција од страна на претседателот Мицкоски, кој што е достоен и подготвен да биде во функција на бескомпромисна борба против организираниот криминал и корупција, кои што во моментот во државата се случува на ангро.
Овој закон е реформски и значи неселективна правда за граѓаните.
Најпрвин фузијата на двете обвинителства е сугестија на ВМРО-ДПМНЕ во текот на преговорите на работните групи и тоа е прифатливо-соопшти денеска портпаролот на ВМРО-ДПМНЕ Димче Арсовски.
Тој рече дека бараат „сите предмети од процесите коишто се започнати на ниво на обвинение до 30.06.2017 година, истите да бидат превземени од новиот обвинител којшто ќе го води обвинителството, притоа почитувајќи го Уставот и законите. ВМРО-ДПМНЕ се залага сите тие предмети во фаза во која што се, дали е доказна постапка, дали е распит на сведоци, дали се завршни зборови или некоја друга фаза од текот на постапката, да ги преземе државниот јавен обвинител и истите да се прераспределат согласно процесите и советите на експертската јавност, онаму каде тие дела истите припаѓаат и треба да припаѓаат“.
Арсовски дополни дека ВМРО-ДПМНЕ нема намера да се сложи со предлог закон на СДСМ кој потенцира дека има две единствени цели и е правен со две неискрени намери од страна на Заев и на власта.