Какви измени се планираат на Законот за Судскиот совет?
Објавено во: Македонија 16 Јули, 2018
Согласно динамиката на реформските решенија содржани во Стратегијата за реформа на правосудниот сектор 2017-2022 година, следува изменување и дополнување на Законот за Судскиот совет на Република Македонија (трета измена).
Идните измени на Законот за судовите се однесуваат на воспоставување европски стандарди за независно и ефикасно судство во насока на определување на критериуми за „истакнат правник“ за избор на член на СС на предлог на Собранието на РМ и Претседателот на РМ, редефинирање на изборот на членовите на СС од редот на најискусните судии кои најмалку го исполнуваат условот за вршење на функцијата судија во апелационен суд, законските критериуми за утврдување на индивидуална одговорност, воведување на законска основа за кодексот за судска етика.
Согласно динамиката на реформските решенија содржани во Стратегијата за реформа на правосудниот сектор 2017-2022 година, следува изменување и дополнување на Законот за судовите (втора измена), имајќи ја предвид стратешката определба за евроинтеграцијата на Република Македонија и обврските кои стојат пред нас во тој процес, овие измени на Законот за судовите се однесуваат на определување на критериумите за избор на судии во повисок суд и имплементирање на останатите препораки од Венецијанската комисија.