Какви патишта го очекуваат сега договорот?
Објавено во: Македонија 17 Јуни, 2018
По потпишувањето на договорот за името помеѓу Македонија и Грција, договорот оди на освојување во Владата. Според најавите договорот на седница на Влада треба да се најде веќе во понеделник.
При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот. Во Владата не би требало да има проблеми и истиот ќе помине, по што се праќа во Собранието.
Пред да стигне за гласање пред пратениците треба да помине на Комисија за надворешна политика со која претседава Антонио Милошоски од ВМРО-ДПМНЕ. Во Комисијата дискусијата е неограничена, па затоа за да нема застој се претпоставува дека Владата ќе го прати договорот со европско знаменце, слично како и Законот за употреба на јазиците.
Откако овде ќе заврши процедурата, договорот оди на гласање пред пратениците. За да биде изгласан е потребно просто мнозинство или 61 глас. За договорот ќе гласаат СДСМ и најверојатно сите албански парти со што потребниот број на гласови е обезбеден. Потоа договорот треба да го потпише претседателот Ѓорге Иванов, кој веќе се изјасни дека нема да го направи тоа.
И повторно слично како Законот за јазиците, за да се „скокне“ Иванов, договорот ќе треба
да биде гласан по втор пат во Собрание.
Многу поинаку ќе изгледаат работите во Собранието за гласањето на уставните измени
за новото име, предвидени со договорот.
За да поминат истите е потребно двотретинско мнозинство или 81 гласа. ВМРО-ДПМНЕ
без која обезбедување на овој број на гласови е невозможен, се изјасни дека нема да
гласа за уставните промени.