Какви желби имаат момчињата кои се спасија од пештерата во Тајланд?
Објавено во: Свет 10 Јули, 2018
Момчињата кои се спасени во Тајланд, потребно е да се рехабилитираат откако 17 дена поминаа заглавени во пештерата.
„Првите четворица пациенти беа на возраст од 14-16 години. Имаа ниска телесна температура. Внимаваме на нив и ги третираме со апаратура за загревање на телото. Дополнително, кај двајца констатиравме невообичаени резултати при зрачењето на белите дробови поради што се сомневаме дека станува збор за белодробни инфекции“- вели Џедсада Чокдумронгсук – Секретар на Министерството за здравство на Тајланд.
Извлечените момчиња се сместени во карантин и таму ќе останат една недела. Нивните семејства ги посетиле, но комуницираат преку стакло.
Тајландските и интернационални нуркачи преземаа ризик и во најбрзо време успеаа да ги спасат сите заробени во засолништето во пештерата Там Луанг, еден километар внатре во планината.
Веста за успешното спасување на момчињата ги воодушеви сите во нивното училиште.
Иако се поканети да гостуваат на финалето на Светското фудбалско првенство, најверојатно тие ќе го гледаат натпреварот на телевизор во болницата кадешто ќе останат се додека не се опорават.
Пад крапов е јадење со листови од босилек со месо и ориз, и ова е првиот оброк за децата спасени од пештерата во Тајланд, соопштил шефот од тајландската спасувачка мисија Наронгсак Осотанакор.
Тие девет дена биле изгледнети и отсечени, а преживеале така што јаделе мала количина храна која ја имале со себе и пиеле вода која капела од карпите.