Какво време не очекува на почетокот на работната недела?
Објавено во: Македонија 05 Август, 2019
Ако денеска излегувате на отворено, носете лесна и светла облека и заштитете се од сонцето и УВ зраците.
Според управата за хидрометеоролошки работи, за првиот ден од оваа работна недела не очекува сончево време со мала до умерена облачност и со слаб до умерен северен ветер кој долж Повардарието краткотрајно ќе засилува.
УВ индексот ќе биде висок и ќе изнесува 8.
Температурите на воздухот ќе бидат летни и ќе се движат од 27 до 34 степени целзиусови.
Во главниот град според синоптичарите се очекува сонце и мала облачност со максимални 31 степени.
Следува период на претежно сончево време со постепен пораст на температурата. Повисоки дневни температури ќе има од средината на работната недела кога и облачноста краткотрајно ќе се зголемува, а особено топло ќе биде на југоистокот.