Каракачанов е против договорот со Македонија, но во Брисел мораше да се сретне со Шекеринска
Објавено во: Македонија 14 Февруари, 2019
Красимир Каракачанов, бугарскиот министер за одбрана, вчера во седиштето на НАТО оствари средба со Радмила Шекеринска, која го предводи истиот ресор во Македонија. Иако претседателот на бугарското ВМРО како коалиционен партнер во владата на Бојко Борисов е жесток противник на договорот за македонско-бугарско добрососедство во Брисел мораше да и посака добредојде на вицепремиерката, која е првиот политичар од Македонија кој седна на заедничка маса на состанокот на министрите за одбрана на земјите-членки на НАТО по потпишувањето на пристапниот Протокол на Алијансата со Македонија.
Шекеринска му заблагодарила на Каракачанов за поддршката што Бугарија и ја дава на Македонија и напомнала дека разговорот помеѓу двајцата министри е прва билатерана средба од македонска страна на Состанокот.
Додаде дека договорот за добрососедство со Бугарија придонел да се оствари потоа и преспанскиот и дека двете министерства за одбрана ќе ја засилат соработката. Каракачанов одговорил дека Бугарија отсекогаш инсистирала Македонија да биде примена што побргу во НАТО и ЕУ.