КАТАЛОНЦИТЕ НЕ СЕ ОТКАЖУВААТ: Подготвија нова декларација за независност
Објавено во: Свет 22 Октомври, 2019
Уште еден обид за извојување на независност на Каталонија од Шпанија. Договорена e нова декларација за независност на покраината.
Партиите „Заедно за Каталонија“, „Каталонска републиканска левица“ и „Кандидатура на народното единство” резолуцијата ќе ја испратат на гласање во каталонскиот Парламент, и ќе ја усвојат затоа што имаат мнозинство. Таа е спротивна на одредбата на Врховниот и Уставниот суд кои со во своите пресуди наведоа дека шпанскиот Устав не дозволува референдум за независност. Претседателот на каталонскиот Парламент Роџер Торент одобри гласање за декларацијата.
Трите партии кои се залагаат за независност на Каталонија, имаат 70 од вкупно 135 места во регионалниот Парламент во Барселона, и тие се согласија за текст на резолуција со која планираат да го продолжат „патот кон самоопределување“.
Декларацијата не е обврзувачки документ, но каталонските заговорници за независност со неа сакаат да покажат дека изјаснувањето на референдумот е волја на народот. Во текстот „се брани правото на самоопределување и суверенитет на народот на Каталонија, да може да ја одреди својата политичка иднина“.
Минатата недела имаше насилни протести во Барселона и други градови, поради луѓето кои го организираа референдумот за независност и добија затворски казни.
Врховниот суд во Мадрид осуди деветмина каталонски службеници на 9 до 13 години затвор за организирање референдум за независност во 2017 година.
Избеганиот поранешен каталонски лидер Карлес Пуџдемон се предаде на белгиските власти, откако Шпанија издаде нов налог за негово апсење, по изрекувањето на пресудите за неговите колеги кои како него работеа во насока за независност на Каталонија.