Катица Јанева дојде во СЈО со службено возило
Објавено во: Македонија 23 Јули, 2019
Специјалната јавна обвинителка, Катица Јанева, која даде оставка на функцијата, денеска се појави во Специјалното јавно обвинителство откако со службеното возило беше доведена и влезе низ гаражните простории.
Иако нема официјални информации зошто Јанева е дојдена во СЈО, таа ќе се сретне со останатите колеги од обвинителството и дали го прекинала боледувањето кое и е отворено од почетокот на минатата недела.
Јанева од тогаш не е достапна за јавноста и до сега нема дадено изјава за медиуми по отворањето на случајот „Рекет“ поради што и беше одземен телефонот и даден на вештачење. Во меѓувреме беше објавено дека одмора во родната Гевгелија, а излегоа и фотографии од нејзината посета на фризер.
Јавното обвинителство соопшти дека вчера бил пронајден и одземен и вториот нејзин телефон за кој се тврдеше дека е загубен. Пронајден е кај лице кое изјавило дека му бил даден на подарок.
Во моментов голем број на медиумски екипи ја чекаат пред СЈО за да ја даде својата прва изјава за аферата.