Катица Јанева oднесена во Кривичен суд
Објавено во: Македонија 21 Август, 2019
Шефицата на СЈО во оставка, Катица Јанева со придружба од полицијата попладнево го напушти својот дом во Козле и се упати кон Кривичниот суд.
Таа ќе биде изведена пред судија во претходна постапка, кој треба да одлучи по барање на ЈО за одредување мерка притвор.
Јанева е приведена попладнево од полицијата по налог на ЈО, а по претресот во нејзиниот дом беше одведена во канцеларијата во Специјалното јавно обвинителство, од каде со налог и е одземен компјутерот. Потоа Јанева повторно беше вратена во домот во Козле, од каде мебел и други предмети беа изнесени со камион. Претрес е извршен и во нејзината куќа во Гевгелија.
Таа во случајот „Рекет“ се сомничи дека ја злоупотребила службената положба. За овој случај во притвор веќе се Бојан Јовановски и Зоран Милевски Кичеец.