Катица не се спаси и останува зад решетки, додека нејзините колеги продолжуваат да водат случаи
Објавено во: Македонија 19 Септември, 2019
Нови 30 дена е продолжен притворот на Катица Јанева која е трета осомничена во случајот Рекет.
Кривичниот суд вчера на предлог на Обвинителството и го продолжи за уште 30 дена. Од друга страна, пак, државниот јавен обвинител Љубомир Јовески почна со делегирањето на предметите и враќањето на обвинителите на СЈО во судница.
Адвокатката на Јанева, Ирена Фрчковска завчера до Судот поднесе барање за укинување на мерката притвор за поранешната специјална јавна обвинителка велејќи дека се отпаднати основите за определување мерка притвор со самото нејзино разрешување од СЈО и од ОЈО Гевгелија.
Од друга страна пак Државниот јавен обвинител Љубомир Јовески почна да ги враќа обвинителите на СЈО во судница.
По негово овластувањето обвинителите Фатиме Фетаи и Гаврил Бубески продолжија да го застапуваат предметот „Монструм“, а на обвинителката Ленче Ристоска и го делегираше предметот „Талир 2“.