КАЖАА КОЈА ИМ БИЛА МЕТАТА: Иранците не сакале да убиваат Американци

Добивај вести на Viber

Иранците тврдат дека не сакале да убијат американски војници. 

Командантот на Чувари на револуцијата, иранска идеолошка армија Хосеин Салами вчера кажа дека целта на нападите на 8-ми јануари на американските бази во Ирак не била да убијат американски војници.

„Нашата цел не беше да се убијат непријателски војници, тоа не беше важно“, изјави генералот Салами на затворената седница на иранскиот парламент. 

Сепак видео снимката  ја емитуваа иранските државни медиуми.

„Целта ни беше да предизвикаме материјално уништување со лансирањето на нашите ракети. Сакавме да им покажеме дека сме надмоќни од непријателите и дека можеме да нападнеме било која точка која ќе ја избереме“, изјави тој. 

Салами е повикан да сведочи во иранскиот парламент откако иранските сили во саботата признаа дека по грешка го срушиле украинскиот цивилен авион кој полета од аеродромот во Техеран неколку часа по ракетирањето на американските бази.

Антивладините протести во Иран траат веќе трет ден поради револтот од начинот на кој иранските власти се справуваат со падот на украинскиот авион минатата недела, кој беше урнат поради грешка на иранските воздушни сили.

Американскиот претседател Доналд Трамп ја донел одлуката за операција против иранскиот генерал Касем Сулејмани седум месеци пред наводно по вина на Иран да загине американски државјанин, пренесува телевизијата NBC. 

Иранскиот претседател Хасан Рохани потпиша закон со кој американското министерство за одбрана го прогласува за терористичка организација.