28 Мај, 2020
0.0320

КХВ се сомнева дека ТЕ-ТО лажирал финансиски извештаи

Објавено во: Економија 05 Септември, 2019

Комисијата за хартии од вредност (КХВ) ги проверувала документите во гасната централа ТЕ-ТО  и утврдила дека има основи за сомнеж дека сметководителот и независните ревизори постапиле незаконски кога ги објавиле извештаите за работењето на друштвото. Фактор дознава дека контролата е завршена, но поради тоа што Комисијата нема други надлежности за случајот, ги известила другите органи за понатамошно постапување. Откриените сомневања на КХВ впрочем ги потврдуваат тврдењата и на акционери на доверителот во ТЕ-ТО,  Топлификација, кои тврдеа дека ТЕ-ТО ги лажирал финансиските извештаи, во време пред отворањето на стечајната постапка на друштвото. Ова беа и клучните нивни аргументи дека ТЕ-ТО впрочем ги оштети кога го заврши процесот. За овој случај веќе има и истрага која ја потегна Управата за финансиска полиција која поднесе кривични пријави до Јавното обвинителство за гонење на организиран криминал за неколкумина менаџери, нотарката и стечајниот во случајот поврзан со гасната централа ТЕ-ТО. Пријавите се за сомнеж за лажен стечај, злупотреба на службена положба и овластување но и перење пари во Македонија од трансакции за кои во Русија се водат истраги за криминал.

Според нивните сомнежи станува збор за испрани над седум милијарди денари или над 100 милиони евра. Финансискатаполиција потврди дека на ваков начин на Топлификација и е нанесена штета од над 720 милиони денари.

Доверителите и оштетени акционери тврдеа дека финансиските извештаи се лажирани, со што практично сега КХВ го потврдува тоа. Ова се случува во периодот по одлуката на Врховен суд од 2017 според која ТЕ-ТО АД Скопје, треба да исплати на Топлификација АД околу 6,3 милиони евра главен долг, а со камата околу 11,4 милиони евра.

„По правосилноста на одлуката на Врховниот суд ТЕ-ТО АД започнува со низа незаконски активности, а се со цел, преку лажен стечај да го спречи извршувањето на пресудата на Врховниот суд, што практично значи уништување на Топлификација АД Скопје, со неплаќање на над 34 милиони евра и да доведе до финансиски колапс на преку 2700 акционери –македонски фамилии што вложиле во хартии од вредност. Имено, со договор со главниот акционер во ТЕ-ТО АД, Битар холдингс лимитед (БХЛ) и ТЕ-ТО АД, се менуваат датумите на доспевање на заемите дадени од БХЛ во износ од 112 милиони евра, со што истите се прогласуваат за доспеани за 7 денови, иако во сите ревизорски извештаи за работењето на ТЕ-ТО АД од 2013 до 2017 година прецизно стои дека истите доспеваат за наплата во периодот од 2023 до 2032 година, тврдеа акционерите.

Допрва ќе се види како ќе се одвива случајот.

А.Т.

Можеби ќе ве интересира

Сања Лукаревска: Исплатата на помошта за април реализирана, за мај започнува од 1 јуни

Сања Лукаревска: Исплатата на помошта за април реализирана, за мај започнува од 1 јуни

„СКАПИ“ МЕНАЏЕРИ: Пошта трупала загуби, тие се осигурувале - еве што открија ревизорите

„СКАПИ“ МЕНАЏЕРИ: Пошта трупала загуби, тие се осигурувале - еве што открија ревизорите

Домашни инвеститори во зоните нема, договорите со странските енигма

Домашни инвеститори во зоните нема, договорите со странските енигма

Како „Уготур“ стана “пали – гаси“ за набавки во скопска „Европа“?

Како „Уготур“ стана “пали – гаси“ за набавки во скопска „Европа“?

Објавена уредбата за платежните картички: Парите ќе ги добиете до 3 јули, ќе треба да ги потрошите до 31-ви

Објавена уредбата за платежните картички: Парите ќе ги добиете до 3 јули, ќе треба да ги потрошите до 31-ви

Позајмивме 700 милиони со еврообврзница, за камата ќе вратиме уште 150 милиони евра

Позајмивме 700 милиони со еврообврзница, за камата ќе вратиме уште 150 милиони евра

ВАЛУТИ: Eврото скокна во однос на доларот

ВАЛУТИ: Eврото скокна во однос на доларот

УГОСТИТЕЛСКИТЕ ОБЈЕКТИ ПОЧНУВААТ СО РАБОТА: Протоколот забранува организирање на прослави

УГОСТИТЕЛСКИТЕ ОБЈЕКТИ ПОЧНУВААТ СО РАБОТА: Протоколот забранува организирање на прослави

По Германија, дали и Франција ќе оди во рецесија?

По Германија, дали и Франција ќе оди во рецесија?