КИМ ИМА КЕЦ ВО РАКАВОТ: Северна Кореја лежи на богатство од 10 билиони долари!
Објавено во: Свет 13 Септември, 2017
Северна Кореја можеби нема докажани резерви на нафта, но лежи на резерви повеќе од 200 минерални руди, чија вредност е проценета на до 10 000 милијарди долари (10 билиони долари).
Не постојат официјални податоци за тоа колку навистина вреди севернкорејското рудно богатство, но според груби пресметки од почетокот на оваа деценија, севернокорејските резерви на јаглен, руда, железо, цинк, бакар, графит, злато, сребро, магнезит и многу други метали, вредат помеѓу 6 000 и 10 000 милијарди долари.
Пред распадот на Советскиот сојуз, официјален Пјонгјанг наголемо бил посветен на рударските активности и трговија со соседните комунистички партнери.
Меѓутоа, рударската индустрија во почетокот на 90-тите години од минатиот век доживеала колапс, поради децении занемарувања и недостиг на средства за развој на инфраструктура која би поддржала рударски активности.
Севернокорејскиот рударски сектор сега е под целосна забрана на ОН, бидејќи Пјонгјанг минатите месеци го зголеми бројот на нуклеарни проби и ја зголеми воената реторика.
ОН минатата година почнаа да му забрануваат на Пјонгјанг трговија со метали, наведува РТ потсетувајќи дека само од трговијата со јаглен Северна Кореја генерирала годишни приходи од преку милијарди долари.
Целта на санкциите е да се запре севернокорејската трговија со руди и режимот на Ким Џонг ун да остане без преку потребни средства