КИНА МУ ВРАТИ НА БАЈДЕН - Не не потценувајте и престанете да му помагате на Тајван
Објавено во: Свет 23 Мај, 2022
Кина го повика Џо Бајден „да не ја потценува“ нејзината „цврста решеност да го заштити својот суверенитет“, обраќајќи му се на американскиот претседател кој претходно вети дека ќе употреби сила во случај на кинеска инвазија на Тајван.
Бајден во Токио потенцираше дека САД воено ќе го бранат Тајван во случај на инвазија на Пекинг на автономниот остров, предупредувајќи дека Кина „флертува со опасност“ со своите воени маневри и дека САД ќе го бранат Тајван од евентуален кинески напад.
- Веднаш бараме од САД да избегнуваат испраќање лоши сигнали до силите кои се залагаат за независност на Тајван - изјави портпаролот на кинеското Министерство за надворешни работи, Ванг Венбин, пренесува српски „Мондо“.
Тајпеј, ја поздравува пораката на Бајден околу можноста Вашингтон воено да го брани Тајван во случај Пекинг да го нападне островот, кој Кина го смета за дел од својата територија.
Министерството за надворешни работи на Тајван му се заблагодари на Бајден што ја потврдил неговата посветеност, додавајќи дека владата ќе продолжи да ја зајакнува одбраната и да ја продлабочува соработката со земји како САД и Јапонија за одржување на безбедноста.
Во Токио, Бајден разговараше со премиерот Фуми Кишид, кој на заедничка прес-конференција рече дека двете земји силно се спротивставуваат на обидите да се промени статус кво состојбата во Источното Кинеско Море и Јужното Кинеско Море со сила. Бајден не пропушти да ја спомене Русија, која, според него, треба да ја плати цената „на долг рок“ поради нејзините „варварски акти во Украина“, во однос на санкциите што ѝ ги наметнаа САД и нивните сојузници и како пример за што може да се случи со Кина.
- Не се работи само за Украина. Затоа што ако санкциите не се задржат во многу аспекти, каков сигнал би испратил тоа до Кина за цената на обидот да се заземе Тајван со сила - рече Бајден.