„Кинески“ автопат ја заглави Црна Гора во долгови
Објавено во: Финансии 28 Јули, 2018
Модерен автопат низ Црна Гора од Бар до соседна Србија со кинески кредити ја заглави исплатата на другите давачки во земјата и го зголеми јавниот долг до 80 насто со што нема да може да се подигнуваат „надворешни“ кредити.
Трошоците за првата делница во меѓувреме достигнаа околу една милијарда евра, или речиси една четвртина од БПД на државата. Останатите три четвртини од автопатот ќе минуваат низ помалку планински терен. ММФ проценува дека тоа ќе чини уште 1,2 милијарди долари.
Откако ќе бидат завршени првите проблематични 41 километри од автопатот низ планински терен на северот на земјата, владата во Подгорица се соочува со тежок избор.
Владата е принудена да ги зголемува даноците, делумно да ги замрзне платите во јавниот сектор и да ги укине бенефициите за мајките, со цел да среди своите финансии.
И покрај тие мерки, долгот на Црна Гора се очекува да достигне 80 проценти од Брутодомашниот производ годинава, и Меѓународниот монетарен фонд оценува дека земјата не смее да си дозволи нови задолжувања за да го заврши амбициозниот проект.
„Овој автопат е голема работа во Црна Гора. Тој ги потсетува луѓето на Тито и на деновите на грандиозните социјалистички проекти во регионот. Но, тоа е замка. Сега откако започна, политичарите не можат да го сопрат- без оглед колкава ќе биде штетата. А искрено и не сакаат“, вели вели академик Младен Гргиќ кој е автор на студија за автопатот.
Владата се надева дека автопатот ќе и овозможи економски напредок, особено во неразвиениот северен дел, ќе ја зголеми трговијата со Србија и ќе ја подобри безбедноста затоа што малите планински патишта во земјата се сметаат за екстремно опасни.
Опцијата која сега се турка е јавно-приватно партнерство во кое надворешен партнер би го изградил и управувал со автопатот, а потоа би го добил на концесија за период од 30 години.
Можеби ќе ве интересира
ВТОР МЕСЕЦ ПО РЕД ПАЃААТ - проесечната нето плата 39.276 денари, еве во кои сектори има најголемо намалување
АКО ВЕЌЕ „ГЛАВАМ“ ВО БАНКА, БАРЕМ НЕКА БИДЕ ЗА ДА СИ КУПАМ СТАН - голем пораст на станбените кредити, еве колку должат граѓаните
ДА СЕ ОДАНОЧАТ ТРИТЕ ИЛЈАДИ НАЈБОГАТИ ВО СВЕТОТ, А ПАРИТЕ ДА ОДАТ ДИРЕКТНО КАЈ СИРОМАШНИТЕ - еве го планот на една нобеловка
ЕВЕ КАДЕ ГИ ВЛОЖУВААТ СВОИТЕ ПАРИ 0,001 ПРОЦЕНТ ОД НАЈБОГАТИТЕ: Живеат поинаку од остатокот од светот
ДЕНАРОТ ГО „ПРЕТРКА“ ЕВРОТО, ИСТОРИСКИ МИГ ЗА ГРАЃАНСКИТЕ ЗАШТЕДИ - колку пари чуваат македонските граѓани во банка
Николоски на средби во СБ – Продолжуваме со спроведување на реформите дефинирани со нашите партнери, 695 милиони долари поддршка од СБ
БЕРЗИТЕ СО ГОЛЕМИ ЗАГУБИ - индексот S&P 500 падна петти ден по ред
МАКЕДОНЦИТЕ ВО ГЕРМАНИЈА НА ГОЛЕМИ МАКИ – најевтина кирија е 1.000 евра, во големите градови уште поскапо
„Доколку не се остварат ризиците, олабавување на монетарната политика во втората половина од годинава“: гувернерката Ангеловска-Бежоска за ВОА
